الشيطان لو حب يفرق ........... بقلـــم /هاني آدم
الشيطان لو حب يفرق
بينى و بينك هأرجمه نار
هأجبره يسجد قدام توبتى
و يجرى من الحلم الجبار
شكك فيا بيقتل فيا
و صبرى عليك أطول من عمرى
كوكب دايب عشقه مدار
مهما هيبعد عن مشاويره
هترجعه للحضن فرار
مش ذنبى إنى صارحتك أول
ما قابلتك على كل ذنوبى
كان أملى فى عصيانى تتوبى
و تذوقى بالحلم نهار
مش هأسمحلك تاخدى قرارك
بالإعدام على قلبى الطيب
قلبى اللى فى عشقك بيطيب
و يكبر فى الضلمه عمار
0 التعليقات