اّه .. لو تعـــــرف
شعر
الهام شحاتة
ــــــــــــــــــــــــــ  

ياحبيبى
اّه لو تعرف
انك على طول كده
توحشنى
دى الثانيه ف قربك بالدنيا
والبعد بعيد عنك
بسنين
قرب وتعالى
هنا فى قربى
اعمل معروف
أنا دبت ف بعدك
وقتلنى فى البعد الخوف
قرب من قلبى وتعالى
دانا حبك عندى بالدنيا
وعنيه لغيرك ماتشوف
مشغوله عليك
أنا قلقانه
وف بعدك
أنا دايما سهرانه
ولا قادره أشوفك وأقرب
ولا عارفه كمان أبعد عنك
القلب فى بعدك محتار
ماهو حبك بلسم لجروحى
يا حبيبى وعمرى وحياتى
ماهو قلبك كان
توءم روحى
دا نعيم الروح كله ف قربك
أسعد مخلوقه وانا جنبك
وبكون محرومه بعيد عنك
انا قلبى فى حبك يتهنى
حبك لهاليب
نارك جنه
والله معاك انا مرتاحه
بزهور القلب الفواحه
باسمع فى غيابك حكايات
وعيونى بتصرخ فى سكات
ارجع بقه فرّح قلبى
وتعالى ندوّن قصتنا
نحكيها ف كل الأوقات
ـــــــــــــــــــــــــــــــــــــــــــــــــــــــــــ
من ديوا ن ( جرح الهوى )
للشاعرة الهام شحاتة