شـــــخـــــابيـــــــــــطـ ::::
~**~**~**~**~**~

مع شخابيط القلب الأبيض ع الكراس ..
حاول تسلم بالإحساس ..
إوعى تسلم نبضة يتيمة لإيد الناس ..
إوعى تسيب حلمك ينداس ..
~*~*~*~*~*~*~*~*~

مع شخابيط الحزن القاطن ف الألوان ..
إوعى توافق إنك تحيا زمن متهان ..
عيش ف الموجة لفوق إنسان ..
خللي اللون الفاصل حق ..
مهما اتقوت القضبان ..
~*~*~*~*~*~*~*~*~

مع شخابيط الدمعة الحايرة فوق الرمش ..
ياخد حقي يحلف إني خلاص ماهنمش ..
إوعى تسيبها تسيل على خد مابيعشقش ..
عيش الدنيا بنور وإيمان إما تسيبها دي ماتتعش ..
~*~*~*~*~*~*~*~*~*~

بقلمي /
@@ جيهان فتحي @@
@@ خنسااااء الاسكندرية @@