(موعد مع الحياة) ..بقلم:صبحى زيدان
بكرة معادى معاك ياحبيبى
بكرة معادى معاك
بروحى وقلبى بستناك
أااه ياحبيبى بستنااك
بحبى وشوقى هقابلك بكرة
وبقلبى يا حبيبى هضمك
****
اجرى يا ليلى اجرى بسرعة
اجرى دا قلبى مولع ولعة
اجرى بسرعة وهات لى حبيبى
قبل العين ما تنزل دمعة
اجرى بسرعة وخد شوقى معاك
وخدنى كمان خدنى معاك
عايز اشوفةعايز اقابلة
عايز اقول له خدنى معاك
****
امتى يابكرة تطلع شمسك
امتى تجينى يا أجمل بكرة
يلا تعالى يلا بسرعة
خلى حياتنا تصبح غنوة
بكرة هشوف أعز حبايبى
واشيله فى عينى
واغمض عينى
هو أهلى وكل قرايبى
****
هو حياتى وابتساماتى
هو كيانى وعنوان فرحى
بكرة هشوفه بكره هقول له
اوعى تسيبنى لحيرتى وجرحى
دا انت حبيبى وانت طبيبى
دا انت شريكى فى همى وفرحى
اوعى تسيبنى ..تسيبنى لوحدى
يطول الليل ويزيد تعذيبى
دانت حياتى وانت حبيبى
0 التعليقات