من غير ما اشوفك 
خُش الوريد فى السر ما تسميش..
دى الروح قطيفه مكرمشه
و الدم متخسر رخام!!!!
الابجديه بتشتى فوقى قزاز مدشدش ع البدن.
مِنى اتبرا جلدى ورق بفره و باش
أسفلت جوه الرئه بيمشينى غصب!!
عفاريت بترمح فى النَفَس بخيول
وبحور بتشحت ضِفاف.
- من شَف شاف وانكشف عنه
لسه الحكاوى فى بالى بيعنوا
اخضر ياورق الحزن مادبلتش
ناشفه ياضمة صدرها مالنتيش.
فاسأل عنيها قبل ما تفكر كفنى فيا و استريح للوجع
اكنس زبالة جتتى ماتخاف.
- من خف خاف عاف زلها
جواك خيول عماله ترمح يمها
نيران بتحرق ضلها
إسألها قبل ما تتسلى..
إسأل عنيها قبل ماتفكر تبوح
إسأل.....!!!
محمد الصياد

الندوة الثقافية مع الشعر والثقافة والغناء والزجل مع اكبر الشعراء 

ندوة السبت 19 أكتوبر 2013 / ضيف اللقاء الشاعر الكبير أحمد سويلم
وإدارة الشاعر عاطف الجندي رئيس الشعبة